Astananyń jeli Bas týdy zaqymdaǵan
ASTANA. KAZINFORM – Astana qalasynyń ákimdigi rámizder alańyndaǵy Bas memlekettik týǵa nege jamaý túskenin túsindirdi.
«6 qarashada elordada kúshti jel bastalyp, QR Memlekettik rámizderi alańyndaǵy týdy zaqymdady. Jańa týdyń qoımadan jetkizýine deıin qoldanystaǵy jalaýdy ishinara qalpyna keltirý týraly sheshim qabyldandy. Búgin Jańa túske qaraı jańa jalaý ilindi», - dep túsindirdi ákimdiktegiler.
Buǵan deıin Túrkistan oblysynda jyrtyq týdyń jelbirep turǵan vıdeosy taraǵan edi.
Eske salsaq, Almaty oblysy Talǵar aýdanyndaǵy qoqys polıgonynan Memlekettik rámizder tabylǵan bolatyn.
Ákimdik qyzmetkerleri polıgon alańyn tekserdi. Tekserý kezinde atalǵan memlekettik rámizderdiń janynda bilim berý mekemesi — kolledjdiń qujattary bar ekeni anyqtaldy. Basqa mán-jaılar anyqtalyp jatyr.
