Astananyń túbindegi Talapker aýylynda kanaldy sý shaıyp ketti

KÓKShETAÝ. KAZINFORM – Tselınograd jáne Shortandy aýdandarynyń aýmaǵyndaǵy egistikten erigen qar sýynyń úlken kólemde aǵyp kelýi saldarynan Talapker eldi mekenindegi sý burý kanalynyń ýchaskesin sý shaıyp ketti.

«Qazirgi kezde TJM kúsh-quraldary sý burý kanalynyń buzylǵan tusyn qum salynǵan qaptarmen nyǵaıtyp jatyr. Aýyl turǵyndarynan tynyshtyqty saqtaýdy jáne qutqarýshylardyń nusqaýyn oryndaýdy suraımyz», - delingen QR TJM málimetinde.

Aıta ketsek, budan buryn Aqmola oblysyna Astana qalasynan 85-ke jýyq tehnıka kómekke kelgenin jazǵan edik.