Astananyń tazylary respýblıkalyq saıysta úzdik atandy

ASTANA. KAZINFORM — Almaty oblysynda ulttyq «Qazaq tazysy» tuqymynyń ańshylyq synaǵy ótti. Saıysta Astananyń tazylary úzdikter qatarynan kórindi. Bul týraly Astana qalasy ákimdigi habarlady.

Bul synaq ańshylyq ıt tuqymyn saqtaý men damytýdy kózdeıdi. Sondaı-aq olardyń halyqaralyq deńgeıde tanylýyna yqpal etetin mańyzdy bastamalardy uıymdastyrady.

Saıys alańyna túrli sharýashylyqtar men kınologııalyq klýbtardan kelgen 15 úzdik tazy jınaldy. Bul synaq tazylardyń naqty ańshylyq qasıetin baǵalaýǵa múmkindik berdi.

Jarys kezinde tazylar qum qoıanyn aýlady. Ár tazy tuqymy asqan ábjil, jyldam jáne ańshylyq qasıeti damyǵandyǵyn kórsetti.

— Saıysty «qazaq tazysy» tuqymynyń tájirıbeli mamandarynan turatyn sarapshylar komıssııasy baǵalady. Baǵalaý kezinde ıttiń jyldamdyǵy, manevrlik qabileti, ańshylyq sezimtaldyǵy, sheberligi jáne tózimdiligi eskerildi. Bul kórsetkishterdiń jıyntyǵy eń úzdik qatysýshylardy obektıvti anyqtaýǵa múmkindik berdi, — delingen aqparatta.

Jarys qorytyndysy boıynsha astanalyq «NOMAD» ulttyq ańshylyq klýbynyń «Areket» atty tazysy І orynǵa ıe boldy. Ekinshi oryn minberinen de elordalyq (Adyrna) tazy tuqymy kórindi. ІІІ oryndy «Qabylan» atty tazy enshiledi.

Eske sala keteıik, osyǵan deıin Qaraǵandy ​​oblysynan shyqqan tazy Qazaqstannyń maqtanyshyna aınalǵany týraly jazǵan edik.