Astananyń taǵy bir kóshesinde avtobýs jolaǵy engiziledi
ASTANA. KAZINFORM — Astanada 20 tamyzdan bastap R. Qoshqarbaev dańǵylynyń Táýelsizdik dańǵylynan M. Tóleýbaev kóshesine deıingi bóliginde avtobýs jolaǵy engiziledi, dep habarlaıdy elorda ákimdiginiń resmı saıty.
— Arnaıy bólingen jolaq qoǵamdyq kóliktiń kedergisiz júrýine múmkindik berip, onyń jumys tıimdiligin arttyrýǵa, jol júrý ýaqytyn qysqartýǵa jáne jolaýshylar úshin qatynasty barynsha qolaıly etýge baǵyttalǵan, — dep túsindirdi ákimdik.
Osyǵan baılanysty júrgizýshilerden atalǵan ýchaskedegi jol qozǵalysy tártibiniń ózgeretinin aldyn ala eskerip, jol belgileri men jol tańbalarynyń talaptaryn qatań saqtaýdy suralady.
Buǵan deıin Almatynyń Naýryzbaı batyr kóshesinde avtobýs jolaǵynyń ornyna velojolaq salynatyny aıtyldy.
