Astananyń taǵy bir dańǵylynda jol jóndeý jumystary júrgiziledi
ASTANA. KAZINFORM — Elordada Abaı dańǵylynyń Respýblıka dańǵylynan A. Sembınov kóshesine deıingi ýchaskesinde ortasha jol jóndeý jumystary júrgiziledi, dep habarlaıdy Astana ákimdiginiń baspasóz qyzmeti.
— Osyǵan baılanysty, bıylǵy jyldyń 27 sáýir men 3 mamyr aralyǵynda kórsetilgen ýchaskede kólik qozǵalysy ishinara jabylatyn bolady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.
Buǵan deıin elordada birneshe kósheniń qıylysy jóndeý jumysyna baılanysty ýaqytsha jabylatynyn jazdyq.
