«Astananyń» surmergen oıynshysy jańa klýbqa aýysty

ASTANA. KAZINFORM – «Astana» fýtbol klýbynyń burynǵy shabýylshysy Djeffrı Chınedý Reseı premer-lıgasynda óner kórsetetin Krylıa Sovetov komandasynyń oıynshysy atandy. Bul týraly klýbtyń baspasóz qyzmeti habarlaıdy.

Klýbtyń Instagram-paraqshasynda jarııalanǵan málimetke sáıkes, nıgerııalyq shabýylshymen jasalǵan kelisimshart 2027 jyldyń sońyna deıin eseptelgen.

Chınedý sońǵy bir jarym maýsymdy elordalyq Astana sapynda ótkizdi. Osy ýaqyt aralyǵynda ol 54 matchqa qatysyp, 27 gol soǵyp, 4 nátıjeli pas bergen. 2024 jyly fýtbolshy komandamen birge Qazaqstan Kýbogynyń Lıgasyn jeńip alýǵa úles qosty.

Buǵan deıin shabýylshy Qytaı, Serbııa, Fınlıandııa, Estonııa, Ýkraına, Rýmynııa, Soltústik Makedonııa, Albanııa, Chehııa, Birikken Arab Ámirlikteri men Kıpr chempıonattarynda oınaǵan.

Djeffrı Chınedý «Astana» quramynda 2024 jyldyń shilde aıynan beri óner kórsetti. Ótken maýsymda 12 gol soǵyp, elordalyq klýbtyń úzdik bombardırleri arasynda top-5 qataryna endi.

Transfermarkt portaly fýtbolshynyń naryqtyq qunyn 900 myń eýroǵa baǵalap otyr. 

Aıta keteıik, Belarýstiń úzdik fýtbolshysy «Qaırat» komandasynan ketti.