Astananyń sol jaǵalaýynda apattan jaryq sónip qaldy

ASTANA. KAZINFORM — Astananyń sol jaǵalaýynda birqatar úı jaryqsyz otyr. Qala ákimdigi jaǵdaıdy túsindirdi.  

«Astana-AEK» AQ aqparaty boıynsha, 15 shilde saǵat 15:47-de «Olımp» qosalqy stansasynda 10 kV ajyratqyshtary RP-262 jer qorǵanysynan apattyq jaǵdaıda ajyratylǵan.  

Jer jumystaryn júrgizý kezinde «Elmo» AQ kompanııasy 20 kV-tyq eki kabel jelisin búldirdi.

Kásiporyn avarııalyq qalpyna keltirý jumystaryn óz kúshimen júrgizedi. 

«7 transformator qosalqy stansasynda úı qajetine arnalǵan statsıonarlyq dızel generatorlary avtomatty túrde iske qosyldy. Eki transformator stansasy úshin DGÝ-715kVA ornatylǵan» deıdi Astana-AEK.

Oqıǵaǵa baılanysty R.Baǵlanova kóshesindegi 2, 4, 6, 6/3 jáne Turan dańǵyly boıyndaǵy 55E, 55, 55/1 úılerde elektr energııasyn berý shektelgen.

«Shamamen eki saǵat elektr energııasy bolmaıdy» dep eskertti ákimdik keshkisin.