Astananyń Іshki saıasat basqarmasyna jańa basshy taǵaıyndaldy
ASTANA. KAZINFORM – Baqytjan Ábdireıimjanuly Júnisbekov Astana qalasynyń Іshki saıasat basqarmasynyń basshysy bolyp taǵaıyndaldy, dep habarlaıdy elorda ákimdiginiń baspasóz qyzmeti.
Osyǵan deıin ol Astananyń Esil aýdany ákimi apparatynyń basshysy qyzmetin atqarǵan.
Baqytjan Júnisbekov – bilimi boıynsha saıasattanýshy. Abaı atyndaǵy Qazaq ulttyq pedagogıkalyq ýnıversıtetin támamdaǵan. L.N. Gýmılev atyndaǵy Eýrazııa ulttyq ýnıversıtetinde saıasattaný magıstri dárejesin alǵan.
Eńbek jolyn 2007 jyly bastaǵan. Memlekettik qyzmet júıesinde, onyń ishinde ishki jáne jastar saıasaty, qoǵamdyq damý jáne azamattyq qoǵam ınstıtýttarymen ózara is-qımyl salalarynda eńbek tájirıbesi bar.
2011-2016 jyldary Astana qalasy ákimdiginiń Jastar saıasatyn qoldaý memlekettik qorynda bólim basshysy, basshynyń orynbasary jáne qor basshysy qyzmetterin atqardy.
2016-2021 jyldary elorda ákimdiginiń Jastar saıasaty basqarmasy men Qoǵamdyq damý basqarmasynda jumys istedi.
2021 jyldan 2026 jylǵa deıin Astana qalasynyń Esil aýdany ákimi apparatynyń basshysy qyzmetin atqardy.
Aıta keteıik, buǵan deıin elimizde bir apta ishinde bolǵan kadrlyq aýys-túıister men jańa taǵaıyndaýlarǵa sholý jasaǵan edik.
