«Astana» shabandozy Malýchellı «Týr Langkavıdiń» qorytyndy kezeńinde jeńiske jetti
ASTANA. KAZINFORM — XDS Astana Team komandasynyń shabandozy Matteo Malýchellı Malaızııada ótken bedeldi kópkúndik velojarys — «Týr Langkavıdiń» segizinshi kezeńinde jeńiske jetti.
Mýar men Pýtradjaıa qalalary arasyndaǵy uzyndyǵy 188,3 shaqyrym bolatyn qashyqtyqty qazaqstandyq komandanyń ókili 4 saǵat 5 mınýt 17 sekýndta baǵyndyrdy.
Ekinshi bolyp kanadalyq Raılı Pıkrell (Modern Adventure Pro Cycling), úshinshi bolyp nıderlandtyq Krıstıan van Res (Development Team Picnic PostNL) márege jetti.
XDS Astana Team komandasynyń taǵy bir shabandozy Gleb Syrıtsa qorytyndy kezeńdi 11-orynda aıaqtady.
«Týr Langkavıdiń» jalpy qorytyndysynda Tudor Pro Cycling Team komandasynyń nemis veloshabandozy Lennart ıAsh jeńimpaz atandy. XDS Astana Team quramyndaǵy eń úzdik nátıje Harold Martın Lopeske tıesili boldy — ol 12-oryn aldy.
Matteo Malýchellı úshin bul «Týr Langkavıdegi» bıylǵy úshinshi jeńis boldy. Buǵan deıin ıtalııalyq shabandoz kópkúndiktiń birinshi jáne úshinshi kezeńderinde jeńiske jetken edi.
Aıta keteıik, «Týr Langkavı» 27 qyrkúıekte bastalyp, segiz kezeńnen turdy.
Eske salaıyq, buǵan deıin XDS Astana Team komandasynyń shabandozy Alessandro Romele «Výelta Ispanııa» kópkúndiginiń 15-kezeńinde ekinshi oryn alyp, ıspanııalyq Grand-týrdaǵy alǵashqy júldesine qol jetkizgenin jazǵanbyz.
