Astananyń irgesindegi aýyldarda 11 densaýlyq saqtaý nysany salynyp jatyr
KÓKShETAÝ. KAZINFORM – Aqmola oblysynyń Tselınograd aýdanynda 10-nan astam medıtsınalyq-sanıtarlyq alǵashqy kómek nysandarynyń qurylysy bastaldy.
Aqmola oblysy ákimi baspasóz qyzmetiniń málimetinshe, qurylys jumystary Memleket basshysy Qasym-Jomart Toqaevtyń tapsyrmasyna sáıkes «Aýyldyq densaýlyq saqtaýdy jańǵyrtý» ulttyq pılottyq jobasy aıasynda qolǵa alynǵan.
Atap aıtqanda, Nuresil, Araıly, Orazaq, Jalǵyzqudyq aýyldarynda 4 dárigerlik ambýlatorııa, Tónkeris, Qaramendi batyr, Mánshúk Mámetova, Aqjar, Ótemis aýyldarynda 5 feldsherlik-akýsherlik pýnkt jáne Razdolnoe, Yntymaq aýyldarynda eki medıtsınalyq pýnkt salynady.
Mánshúk Mámetova, Qaramendi batyr, Razdolnoe jáne Ótemis aýyldarynda jumystar 35-45 paıyzǵa oryndaldy, ıaǵnı ǵımarattyń qabyrǵalary kirpishpen qalanyp, ishki sylaý jumystary aıaqtaldy. Endi parapetter men jeldetkish shahtalardy ornatý jumystary bastaldy. Sonymen birge, ǵımarattyń shatyryn ornatý jumystary da qolǵa alynady.
Al, Nuresil, Araıly, Yntymaq, Aqjar, Orazaq, Tónkeris, Jalǵyzqudyq aýyldaryndaǵy nysandarda qurylys jumystary 5-15 paıyzǵa oryndaldy. Qurylysshylar shuńqyrdy toltyrý jáne tyǵyzdaý, kirpish qalaýǵa daıyndyq jáne qorshaý ornatý, syrtqy jáne ishki qabyrǵalardy qalaý, qubyrlardy tóseý, beton quıý jáne tóseý armatýramen irgetasty nyǵaıtý, ІBQ bloktaryn ornatý jumystaryna qyzý kirisken.
Kelesi jyly taǵy 5 densaýlyq saqtaý nysanynyń, ıaǵnı Jańaesil aýylyndaǵy dárigerlik ambýlatorııanyń, Jańa Jaınaq, Jarlykól, Rahymjan Qoshqarbaev aýyldaryndaǵy 3 feldsherlik-akýsherlik pýnktiniń jáne Shalqar aýylyndaǵy medıtsınalyq pýnktiniń qurylysy bastalady.
Jalpy, búgingi kúni aýdanda aýdandyq emhana, alǵashqy medıtsınalyq-sanıtarlyq kómek ortalyǵy, 9 dárigerlik ambýlatorııa, 25 medıtsınalyq pýnkt jáne 8 feldsherlik-akýsherlik pýnkt (FAP) jumys isteıdi. Aýdannyń medıtsınalyq mekemelerinde 83 joǵary bilimdi dáriger jáne 237 orta býyn medıtsına qyzmetkeri jumys isteıdi.
Bul rette, ulttyq jobanyń maqsaty - aýyl turǵyndaryna medıtsınalyq kómek kórsetý deńgeıin arttyrý. Ulttyq jobanyń birinshi mindeti Aýyldyq eldi mekenderdi normatıvterge sáıkes alǵashqy medıtsınalyq-sanıtarlyq kómek uıymdarymen qamtamasyz etý bolyp tabylady. Ulttyq jobanyń birinshi mindeti aıasynda Memleket basshysynyń tapsyrmasyna sáıkes 655 MSAK nysandaryn salý josparlanǵan.
Eske salaıyq, budan buryn Astananyń irgesinde 1200 oryndyq eki mektep salynyp jatqandyǵyn jazǵan edik.
