Astananyń ortasynda dáret syndyrǵan sheteldikterge qandaı shara qoldanyldy – PD jaýaby
ASTANA. KAZINFORM – Elordada Dostyq kóshesindegi ǵımarat irgesine dáret syndyrǵan sheteldikter endi Qazaqstanǵa 5 jyl kire almaıdy. Bul jóninde Astana qalasynyń polıtsııa departamenti málimdedi.
Vedomstvo málimetinshe, qoǵamdyq orynda tártip buzǵan 35 jáne 49 jastaǵy shetel azamattary ekeni anyqtaldy. Olar el aýmaǵynan shyǵyp úlgergen.
Alaıda polıtsııa atalǵan azamattardy QR aýmaǵyna 5 jyl kirgizbeý jóninde sheshim qabyldady.
Іshki ister mınıstrligi bul faktige qatysty barlyq aqparatty Syrtqy ister mınıstrligine joldaǵan. Endi jaýapty mınıstrlik tıisti sharalardy qabyldamaq.
Astana qalasynyń PD qoǵamdyq tártipti saqtaý barshaǵa mindet ekenin atap ótti. Habarlamada jazylǵandaı, bul talap Qazaqstan azamattaryna da, elimizde júrgen sheteldikterge de qatysty.
Aıta keteıik, buǵan deıin Almatyǵa baǵyt alǵan ushaq ishinde dáret syndyrǵan sheteldik jazalanǵanyn jazǵanbyz.
