Astananyń ortalyq saıabaǵy jańǵyrtylǵan soń qandaı bolmaq
ASTANA. KAZINFORM – Ortalyq saıabaqtyń jaı-kúıine qatysty qala turǵyndarynan kelip túsken ótinishterdiń kóptigine baılanysty jóndeý jumystaryn kezeń-kezeńimen júrgizý týraly sheshim qabyldandy, dep habarlaıdy Kazinform tilshisi.
Sońǵy ret alleıaǵa kúrdeli jóndeý jumystary shamamen 10 jyl buryn – 2015 jyly júrgizilgen. Sodan beri eskertýler ishinara ǵana joıylǵan. Bıyl «Nura» aýdanynyń ákimdigi keshendi abattandyrý jumystaryn bastady, atap aıtqanda:
* jaıaý júrginshiler aımaǵyn jáne shańǵy trassasyn jańartý;
* eskirgen jaryqtandyrý jelilerin aýystyrý;
* sýburqaqtar men jańbyrótkizgishterdi jóndeý;
* ınklıýzıvti balalar oıyn alańyn jóndeý.
150-den astam jetilgen qaraǵash pen shyrsha kósheti otyrǵyzylmaq.
Jańǵyrtý jumystary kezeń-kezeńimen júrgizilip keledi, saıabaq jumysyn jalǵastyryp jatyr. Jumysty shilde aıyna qaraı aıaqtaý josparlanǵan.
Osyǵan deıin Almaty saıabaqtarynda 6 myńǵa jýyq sham ornatylatynyn jazdyq.