Astananyń oń jaǵalaýyndaǵy negizgi kóshelerdiń biri jabylady
ASTANA. KAZINFORM – Astanada J. Nájimedenov kóshesinen Arqar kópirine deıin Sh. Qaldaıaqov kóshesin jóndeý jumystary bastaldy. Bul týraly Astana qalasy ákimdiginiń baspasóz qyzmeti habarlady.

Astana qalasynyń Kólik jáne jol-kólik ınfraqurylymyn damytý basqarmasy qala turǵyndaryn men qonaqtaryn J. Nájimedenov kóshesinen Arqar kópirine deıin Sh. Qaldaıaqov kóshesin jóndeý jumystarynyń bastalǵany týraly habardar etedi. Osyǵan baılanysty, aǵymdaǵy jylǵy 1 — 5 shilde aralyǵynda kórsetilgen ýchaskede qozǵalys ishinara jabylatyn bolady. Osy ýaqytta avtokólik quraldarynyń qozǵalysy eki baǵytta bir jaǵynan kezeń-kezeńimen uıymdastyrylady. Sonymen qatar, Sh.Qaldaıaqov/J. Nájimedenov qıylysy ishinara jabylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen habarlamada.
Aıta ketelik Aqtóbe – Astana baǵytyna jazǵy maýsymdyq poıyz qatynaıtyny týraly jazǵan edik.