Astananyń oń jaǵalaýyndaǵy kóshe jóndeý jumysyna baılanysty jabyldy
ASTANA. KAZINFORM — Astanada 26 qazan men 3 qarasha aralyǵynda Sh. Murtaza kóshesiniń Kereı Jánibek kóshesinen Uly Dala dańǵylyna deıingi aralyǵynda jol tósemine jóndeý júrgiziledi, dep habarlaıdy elorda ákimdiginiń resmı saıty.
— Osyǵan baılanysty atalǵan ýchaskede kólik qozǵalysy tolyǵymen jabylatyn bolady. Júrgizýshiler men jaıaý júrginshiler aldyn ala josparlaýy jáne yqtımal ózgeristerdi eskerýi qajet, — delingen habarlamada.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Buǵan deıin Astanada 18 qabatty úı órtenip, tórt adam qutqarylǵanyn jazdyq.
