Astananyń keı aýdandarynda jaryq pen sý bolmaıdy
ASTANA. KAZINFORM — 25 qyrkúıekte Astananyń keı aýdandarynda elektr energııasy men sý berý ýaqytsha toqtatylady. Óshirý jumystary tehnıkalyq jumystarǵa baılanysty júrgiziledi. Bul týraly Astana ákimdiginiń qalalyq monıtorıng jáne jedel áreket etý ortalyǵy habarlady.
Astananyń 26 kóshesinde ystyq sý berý ýaqytsha toqtatylady.
Qalanyń ár aýdanynda ystyq sýdyń óshirilý sebebi ártúrli. Atap aıtqanda, qubyrǵa sedlalyq qosylý jumystary júrgizilip, gıdravlıkalyq synaqtar ótedi.
Sý berý tolyqtaı tek Qazybek bı kóshesi, 41/1 mekenjaıynda toqtatylady. Bir qudyqta dánekerleý jumystary júrgizilýine baılanysty sý berý saǵat 10:00–den 16:00–ge deıin toqtatylady.
25 qyrkúıekte Astananyń keı aýdandarynda elektr energııasy da óshiriledi. Keı jerlerde jaryq shamamen eki saǵatqa sónse, birqatar mekenjaıda shekteý tańerteńnen keshke deıin jalǵasady.
Aıta keteıik, Pavlodarda qazan aıynan bastap elektr energııasy men aýyzsýdyń tarıfteri ózgeredi.
