Astananyń ekinshi áýejaıy qaı jerde salynýy múmkin
ASTANA. KAZINFORM – Elordada jańa áýejaı salý úshin keleshegi zor úsh alań bar. Bul týraly Astana qalasy ákiminiń orynbasary Ersin Ótebaev aıtty.
– Qosshy, Qaraǵandy jáne Pavlodar tas joldary syndy úsh baǵyt bar. Sarapshylyq top jumys istep jatyr, - dep atap ótti ol Parlament palatalarynyń birlesken otyrysy aıasynda.
Esterińizge sala ketsek, ótken jyldyń jeltoqsanynda Astana ákimi Jeńis Qasymbek elordada ekinshi áýejaı salynýy múmkin degen qaýeset jóninde pikir bildirgen edi.
– Bul qaýeset. Alaıda bolashaqta qosymsha áýejaı salý qajet bolǵan jaǵdaıda, Bas josparda birneshe ýchaske qarastyrylǵan, - degen edi Jeńis Qasymbek.
Ákimniń aıtýynsha, kez kelgen astana belgili bir kezeńde ekinshi, tipti odan da kóp áýejaılardyń qajettiligine tap bolady.
– Qazirgi ýaqytta biz qoldanystaǵy áýejaıdyń múmkindikterin paıdalaný baǵytynda jumys isteımiz. Onyń qýatyn eki esege arttyrýdy josparlap otyrmyz. Biraq keleshekte onyń temirjol jelilerinen alys ornalasýyn eskersek, mundaı josparlar paıda bolýy múmkin, - dedi ol.
