Astananyń ekinshi áýejaıy qaı aýdanda salynýy múmkin
ASTANA. KAZINFORM — Kólik mınıstri Nurlan Saýranbaev Úkimette ótken brıfıngte Astananyń ekinshi áýejaıyn salýǵa qaı aýdan qarastyrylyp jatqanyn aıtty.
— Qazirgi ýaqytta eki negizgi oryn qarastyrylyp jatyr. Basymdyq Balqaraǵaı baǵytyna berilgen. Naqty sheshim tehnıkalyq-ekonomıkalyq negizdemeden keıin belgili bolady. Bul jumys áli aıaqtalǵan joq. Negizgi eki oryn qaralýda, sonyń biri — Balqaraǵaı baǵyty, — dep jaýap berdi mınıstr tilshiler suraǵyna.
Sonymen birge, mınıstr yqtımal ınvestor men jobanyń quny týraly suraqtarǵa jaýap berdi.
— Jańa áýejaılar óte aýqymdy bolyp salynǵandyqtan, oǵan úlken ınvestıtsııa qajet. Qazir seriktes tańdaý jumystary júrip jatyr. Úlken áýejaılar sala alatyn tehnologııalyq seriktes te, ınvestıtsııalyq seriktes te kerek. Bul jobamen tolyqqandy Astana ákimdigi aınalysyp otyr, olar birqatar kompanııamen kelissóz júrgizýde. Ázirge kelissózderdiń naqty jaı-japsaryn aıta almaımyn, — dedi Nurlan Saýranbaev.
Buǵan deıin Nurlan Saýranbaev Almaty vokzaly týraly Premer-mınıstrdiń birinshi orynbasary aıtqan syn-eskertpelerge pikir bildirgen edi.
Sondaı-aq Alataý qalasynda aerotaksı usha bastady.
