Astananyń eki aýdanynda elektr energııasyn berý ýaqytsha toqtatylady

ASTANA. KAZINFORM – «Astana-REK» AQ jóndeý jáne elektr montajdaý jumystaryna baılanysty 6 tamyzda elordanyń eki aýdanynda elektr qýatyn berý ýaqytsha toqtatylatyny týraly habarlady.

Baıqońyrda saǵat 10:00-den 17:30-ǵa deıin transformatorlyq qosalqy stansalar men elektr jelilerinde jumys jalǵasady. Óndiris, Saryjaılaý, 36, 34, Terekti tuıyq kóshesi, Aqbıdaı, Beıneý, Súgir Áliuly, Gúlzar tuıyq kóshesi, sondaı-aq Aqsý-Jabaǵyly jáne Qoshke Kemeńgeruly kósheleri ýaqytsha jaryqsyz qalady.

Saǵat 09:30-dan 10:00-ge deıin jáne 17:00-17:30 aralyǵynda Mýsorgskıı, Kıelisaı, Shortandy, Yntymaq, Jetisaı kóshelerinde, Bestaý tuıyq jáne Arshaly tuıyq kóshelerinde elektr energııasy qysqa merzimge óshiriledi.

Saryarqa aýdanynda saǵat 09:30-dan 18:00-ge deıin jelilerdegi kúrdeli jumystar jalǵasady, Abat-Baıtaq, Oǵylandy, Oqjetpes, Q.Baıseıitova, Sh. Beısekova, Nurmuhambet Qojahmetov, Sultanbek Qajahmetov, Musa Jálel, Shaqpaq, Fahd bın Abdýl Azız, Aqan seri, Gagarın, Dýlatov, Jarsýat tuıyq kóshesi, sondaı-aq ıÝbıleınaıa, Medeý, Aspara, Katonqaraǵaı, Tobyl, Chehov jáne Orda kósheleri elektr energııasynan ajyratylady.

Budan basqa, 6 jáne 7 tamyz kúnderi saǵat 09:30-dan 18:00-ge deıin Qarasaı batyr 22/1, 24/2 jáne Shyntas tuıyq kóshesi mekenjaılarynda montajdaý jumystary júrgiziledi. Sol kúni saǵat 09:30-dan 11:30-ǵa deıin Qarasaı batyr 31/2, Konstıtýtsııa 18A, 20/2, 22, sondaı-aq Qartaly 3A, 3/1 kóshelerinde elektr energııasy ýaqytsha óshiriledi.

6 tamyzda saǵat 10:00-den 13:00-ge deıin tehnıkalyq baıqaý jumystary Kóktal kentindegi Shuǵyla, Sulýkól, Qaıyńdy, Almalyq jáne 12-95 kóshelerine áser etedi.

Osyǵan deıin Astanada ashyq aspan astynda tegin ıoga jattyǵýlary ótetini týraly jazdyq.