Astananyń birneshe kóshesinde jóndeý jumystary júrgizilip jatyr
ASTANA. KAZINFORM — Elordanyń Kólik jáne jol-kólik ınfraqurylymyn damytý basqarmasy Máńgilik El dańǵyly men Saraıshyq kóshesiniń qıylysyndaǵy kólik aıryǵynda jol tósemine ortasha jóndeý jumysyn júrgizip jatyr.
Astana ákimdigi resmı saıtynyń málimetinshe, qozǵalys 17 mamyrdan 20 mamyrǵa deıin ishinara jabylady.
Bul rette avtokólik quraldarynyń qozǵalysy eki baǵytta da sol jaǵymen (Túrkistan kóshesinen Qoshqarbaev dańǵylyna qaraı) júzege asyrylady.
Sondaı-aq Saraıshyq kóshesinen Máńgilik El dańǵylyna deıingi oń jaq sezi tolyǵymen jabylatyn bolady. Bul rette avtokólik quraldarynyń qozǵalysy jaqyn arada ornalasqan Aqmeshit jáne Túrkistan kóshelerinde júzege asyrylady.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.
