Astanada Belsendi uzaq ómir súrý ortalyǵy ashyldy

ASTANA. KAZINFORM - Astana qalasynyń Saraıshyq aýdany boıynsha áleýmettik qyzmet kórsetý bólimi 1 sáýirden bastap óz jumysyn bastady.

Zeınetkerler úshin tegin úıirmeler men sektsııalar jumys isteıdi. Búginde ońaltý gımnastıkasy, trenajerlik zal, ıoga, skandınavııalyq serýen, toǵyzqumalaq, shahmat, tennıs, eńbek terapııasy, áleýmettik jeliler úıirmeleri men profılaktıkalyq massaj bar.

Búgin ońaltý gımnastıkasy men tennısten, toǵyzqumalaqtan, egde jastaǵy adamdarǵa arnalǵan fıtnesten alǵashqy sabaqtar ótti.

Ortalyqqa zeınetkerlerdi tirkeý 17 naýryzdan bastaldy, qazirgi ýaqytta Saraıshyq aýdany boıynsha 60 adam tirkeldi. Ortalyqqa kelip tirkelý úshin zeınetkerdiń jeke kýáligi, zeınetker kitapshasy, Astana qalasynda turǵylyqty jeri boıynsha tirkeýi bolý qajet.

Aldaǵy ýaqytta Saraıshyq aýdanynda áleýmettik-saýyqtyrý, áleýmettik-eńbek, áleýmettik-áýesqoı baǵytynda úıirmeler ashý josparda bar.

Ortalyq fılıaldary Almaty aýdany boıynsha R.Qoshqarbaev kóshesi, 29/1 úıde, Baıqońyr aýdany boıynsha Abaı kóshesi, 46 úıde, Esil aýdany boıynsha Dostyq keshesi, 13 úıde, Saryarqa aýdany boıynsha Beıbitshilik kóshesi, 25 úıde, Nura aýdany boıynsha Tóle bı kóshesi, 44 úıde ornalasqan.

Búginde 15 myńnan astam qala zeınetkeri tegin úıirmeler men sektsııalarǵa qatysyp jatyr.

Aıta ketelik Astanada jyl basynan beri júzdegen zań buzý anyqtalǵan edi.