Astananyń Baıqońyr aýdanynda keshendi abattandyrylǵan 3 aýla paıdalanýǵa berildi
ASTANA. KAZINFORM — Elordanyń Baıqońyr aýdanynda keshendi abattandyrylǵan úsh aýla paıdalanýǵa berildi.
Aýlalardy abattandyrý jumysy aıasynda balalar oıyn alańdary jańartylyp, workout-qurylǵylary ornatyldy. Sondaı-aq demalys aımaqtary jasaqtalyp, jaryqtandyrý jumystary júrgizildi.
— Búgin — barshamyz úshin qýanyshty kún. Qazaqstan halqynyń birligi kúni qarsańynda aýlamyz abattyndyrylyp, saltanatty túrde ashylyp jatyr. Bul ıgi is barlyq turǵyndarǵa qýanysh syılap otyr. Balalarǵa oıyn alańy, úlkenderge demalys aımaǵy qarastyrylǵan. Barsha turǵyndardyń atynan ákimdikke jáne osy iske úles qosqan barlyq azamattarǵa alǵys aıtamyz! — dedi aýla turǵyny Gúlbarshyn Orazbaeva.
Joba turǵyndardyń jaıly ómir súrýine qolaıly orta qalyptastyrý maqsatynda turǵyndardyń ortaq usynystary aıasynda júzege asyryldy.
— Abattandyrý jumystary aýdannyń basqa da aýmaqtarynda belsendi jalǵasyp jatyr. Bıyl barlyǵy 88 aýla aýmaǵyn abattandyrý josparlanyp otyr. Onyń 18-i keshendi túrde abattandyrylsa, 70-inde jóndeý-qalpyna keltirý jumystary júrgiziledi, — dedi
Baıqońyr aýdany ákimdigi Abattandyrý bóliminiń basshysy Rahat Kenjetaev.
Aýlalardyń ashylý saltanatynda merekelik shara ótip, balalarǵa arnalǵan oıyn-saýyq baǵdarlamasy uıymdastyryldy. Turǵyndar alǵys retinde aýlaǵa keń dastarhan jaıdy.
Aıta keteıik, elordalyq oqýshylar Qazaqstan halqynyń birligi kúnine oraı kontsert qoıdy.