Astanada avtobýs jolaqtarymen júrýge ruqsat etildi
ASTANA. KAZINFORM — Elordada Syǵanaq kóshesinen Qorǵaljyn tasjolyna deıingi ýchaskede avtobýs jolaqtarymen júrýge ýaqytsha ruqsat etildi, dep habarlaıdy Astana ákimdigi.
— Qonaev kóshesinde «Astana Opera» memlekettik opera jáne balet teatrynyń janyndaǵy jer ústi jaıaý júrginshiler ótkelin qaıta jańǵyrtýǵa baılanysty osy jyldyń 19 aqpanynan bastap jol qozǵalysyn uıymdastyrýǵa ýaqytsha ózgeris engizildi. Turan dańǵylynyń Syǵanaq kóshesinen Qorǵaljyn tas jolyna deıingi aralyǵynda kólik júktemesin azaıtý úshin Bus Lane, ıaǵnı avtobýs jolaǵymen júrýge ýaqytsha ruqsat etiledi. Qala turǵyndary men qonaqtary elorda joldaryndaǵy ózgeristerge túsinistikpen qarap, nazarǵa alýdy suraımyz, — delingen habarlamada.
Jer ústi jaıaý júrginshiler ótkeliniń qurylysy aıaqtalǵannan keıin jol belgileri qaıta qalpyna keltiriledi.
— Bul týraly aqparat áleýmettik jelilerdegi resmı derekkózderde qosymsha jarııalanatyn bolady. Avtokólik júrgizýshilerinen jyldamdyq rejımin saqtaýdy jáne Qonaev kóshesiniń jabyq ýchaskesin nazarǵa alyp, qozǵalys baǵytyn aldyn ala josparlaýdy suraımyz, — dep túsindirdi vedomstvo.
Esterińizge sala keteıik, Astana PD ákimshilik polıtsııa basqarmasynyń kelisimi boıynsha bıyl 19 aqpannan 30 qazanǵa deıin Qonaev kóshesiniń Qabanbaı batyr dańǵylynan Turan dańǵylyna deıingi jol bóligi jabylady. Bul rette kólik qozǵalysy irgeles Dostyq jáne Saraıshyq kóshelerimen qamtamasyz etiletin bolady.
Budan buryn Astanada birqatar avtobýstyń qozǵalys baǵyty ózgeretini aıtyldy.