Astananyń bas jospary: Almaty aýdany ekige bólinedi
ASTANA. KAZINFORM – Elordada turǵyndar sany jyl saıyn artyp, sáıkesinshe qala bıligi shahardyń bas josparyna jiti nazar aýdaratyn boldy. Búgin qalalyq máslıhatta shahardy damytý josparlary talqylandy.
Astana qalasy ákiminiń birinshi orynbasary Nurlan Nurkenovtyń aıtýynsha, Memleket basshysynyń tapsyrmasyna sáıkes byltyr qalany damytýdyń 2035 jylǵa deıingi bas jospary ázirlengen. Bıyl qańtarda Úkimettiń qaýlysymen bekitilgen.
Bas josparǵa sáıkes, Almaty aýdanyn ekige bólý usynylǵan. Soltústik bóligi óziniń tarıhı bólikteri men ataýyn saqtap, aýdany 8 518 gektardy quraıdy dep josparlanyp otyr.
«Al jedel qarqynmen damyp kele jatqan ońtústik bóliktiń jalpy aýdany 6 953 gektardy qurap, ol jerde jańa ákimshilik aýdan paıda bolady», - dedi N. Nurkenov.
Boljam boıynsha, 2035 jylǵa qaraı Almaty aýdanynyń halqynyń sany 390 myńnan 659 myń adamǵa deıin artpaq. Turǵyn úı qory 11,7 mıllıon sharshy metrden 20 mıllıon sharshy metrge deıin ósedi dep kútilip otyr. Sáıkesinshe, basqa-basqa atalǵan aýdandy ekige bólý tıimdi bolmaq.
