Astananyń bas shyrshasy jaǵyldy
ASTANA. KAZINFORM – «Astana Arena» stadıonynyń aýmaǵynda qalanyń basty jańajyldyq shyrshasy jaǵyldy. Saltanatty is-sharaǵa myńnan astam adam jınaldy.

Uıymdastyrýshylardyń aıtýynsha, bas shyrshanyń bıiktigi 25 metrge jetedi.

– Bıyl bas shyrshamyz tabıǵı pishinde jasalǵan, sáýkele sekildi jan-jaǵy juqa jelekpen sándelgen. Bul shyrshaǵa shamamen 3000 oıynshyq pen kóptegen gırlıanda qoldanyldy, – dedi «Astanagenplan» mekemesiniń dırektorynyń orynbasary Elnar Bazyken tilshilerge bergen suhbatynda.

Sondaı-aq, stadıon aýmaǵynda turǵyndar úshin kóptegen oıyn-saýyq – muz aıdyndary, syrǵanaqtar, fotozonalar, jármeńkeler men dámhanalar ashyldy.

Aıta keteıik, dál osy ýaqytta Astananyń alty aýdanynda da jańajyldyq 30 shyrsha qatar jaǵyldy.


Astanada 30-dan astam jańa jyldyq shyrshanyń shamy jaǵylatynyn jazǵan bolatynbyz.



Al Almatyny jańajyldyq bezendirýge 800 mln teńge jumsalady.