10:14, 13 Qyrkúıek 2024 | GMT +6
Astananyń aınalma joly eki aptaǵa jabylady
ASTANA. KAZINFORM — Elordanyń aınalma jolynda kólik qozǵalysyna tyıym salynady.
Ortasha jóndeý jumystaryna baılanysty R-10 «Astana aınalma joly» avtojolynyń 30-36 shaqyrymy ýchaskesinde qozǵalysqa shekteý qoıylady. Bul jaıynda QazAvtoJol ulttyq kompanııasynan habarlandy.
Aktsıonerlik qoǵam taratqan málimetke sensek, 2024 jylǵy 14 qyrkúıekten 1 qazanǵa deıingi aralyqta «Astana aınalma joly» avtomobıl jolynyń 30-36 shaqyrymy ýchaskesinde ortasha jóndeý jumystary júrgiziledi.
Ese sala keteıik, Almatyda «Astana» alańy jabylýyna baılanysty 10 avtobýs baǵyty ózgerdi.
Sonymen qatar qala kúnine baılanysty birneshe kóshe 4 kúnge jabylǵan.
