Astananyń 2024 jylǵy óńirlik jalpy ónim kólemi 15 trıllıon teńgeden asty
ASTANA. KAZINFORM - Memleket basshysy Qasym-Jomart Toqaev Astanany damytý jónindegi keńeste sóılegen sózinde bıylǵy qorytyndy boıynsha elordanyń óńirlik jalpy ónim kólemi 34 mıllıard dollar bolatynyn aıtty.
-Qazir Astana qarqyndy ósip keledi. Túrli baǵyt boıynsha belsendi jumys istelip jatyr. Sońǵy 11 aıda qysqa merzimge arnalǵan ekonomıkalyq ındıkator 118,6 paıyzǵa jetti. Investıtsııa, qurylys, shaǵyn jáne orta bıznes salasyndaǵy kórsetkishter boıynsha Astana aldyńǵy orynda tur,-dedi Prezıdent.
Sondaı-aq ol sózinde elordanyń kósh basynda bolýy zańdylyq ekenin atap ótti.
Bıyl elordadaǵy turǵyn úı qurylysy 5 mıllıonǵa jýyq sharshy metrdi quraıdy. Bul elimizde paıdalanýǵa berilgen baspananyń tórtten biri jáne Ortalyq Azııa aımaǵyndaǵy basqa astanalardyń kórsetkishterinen birneshe ese artyq.
Óńdeý ónerkásibi óniminiń kólemi 2025 jyldyń 11 aıynda 2,8 trıllıon teńgege jetip, 7,2 paıyz ósti. ıAǵnı 6 mıllıard dollar shamasynda.
Bıylǵy 11 aıda saýda kólemi 10,8 trıllıon teńgeden asyp, 8,4 paıyz ósim kórsetken Bul –shamamen 22,5 mıllıard dollar. Maǵan berilgen málimet boıynsha, qala bıýdjetine 4,3 trıllıon teńge salyq túsken. Muny qomaqty qarjy deýge bolady.
-Astananyń 2024 jylǵy óńirlik jalpy ónim kólemi 15 trıllıon teńgeden sál asty. Bul – 32 mıllıard dollar. Bıylǵy qorytyndy boıynsha 34, tipti, 35 mıllıard dollar (17 trıllıon teńge nemese odan da joǵary) bolady dep kútilýde. Al qaladaǵy halyqtyń resmı sany 1,6 mıllıon adamǵa jetken,-dedi Memleket basshysy.
Osyǵan deıin Prezıdenti Astananyń basqa aımaqtarǵa úlgi bolýǵa tıis ekenin aıtqan bolatyn.
