Astanany qalyń tuman basty
ASTANA. KAZINFORM – 18 qazan kúni tańerteń Astanany qalyń tuman basty. Elorda aýdandarynyń keıbirinde kóriný qashyqtyǵy aıtarlyqtaı tómendedi.
Redaktsııaǵa joldanǵan fotodan qalyń tumannyń elordanyń turǵyn úıler ornalasqan aýdandaryn basyp qalǵanyn kórýge bolady.
Alystaǵy kópqabatty ǵımarattar áreń kórinedi, al kóshelerdiń basym bóligi qalyń tumannyń arasynda qalǵan.
«Qazgıdromet» respýblıkalyq memlekettik kásipornynyń málimetinshe, 18 qazan kúni Astanada daýyldy eskertý jarııalanǵan.
Sınoptıkterdiń boljamy boıynsha, túnde jáne tańerteń elordada tuman kútilgen.
