Astanany gazdandyrý bıyl tolyq aıaqtalady
ASTANA. KAZINFORM - Elordada turǵyn úı-kommýnaldyq ınfraqurylymdy keshendi jańǵyrtý jumystary jalǵasyp, ınjenerlik jelilerdi damytý jáne eldi mekenderdi tabıǵı gazǵa qosý qarqyndy júrgizilip jatyr. Bul týraly Astana qalasy máslıhatynyń elordanyń 2025 jylǵy bıýdjetiniń atqarylýy týraly esepti bekitýge arnalǵan sessııasynda «Astana qalasynyń ekonomıka jáne bıýdjettik josparlaý basqarmasy» MM basshysy Aıjan Túgelbaeva aıtty.
– Qazir elordadany gazdandyrý qarqyndy júrgizilip jatyr. Shubar, Telman jáne ishinara Úrker eldi mekenderi tabıǵı gazǵa qosyldy. Nátıjesinde 300 myńnyń 290 myń turǵyny gazǵa qol jetkizip, qamtý deńgeıi 95 paıyz boldy. Elordada gazdandyrý jumystaryn bıyl tolyq aıaqtaý josparlanyp otyr, - dedi spıker.
Sonymen birge ol sońǵy bes jylda elordada 18,6 mln sharshy metrden astam turǵyn úı paıdalanýǵa berilip, turǵyndardy turǵyn úımen qamtamasyz etý deńgeıi bir adamǵa 33 sharshy metrge jetkenin de atap ótti.
Buǵan deıin Túrkistan oblysynda bıyl qansha eldi meken gazben qamtylatyny jóninde jazǵanbyz.
