AstanaMotorsports ekıpajy Katardaǵy rallıde І kezeńdi úzdik ondyqqa taıaý aıaqtady
ALMATY. QazAqparat - Astana Motorsports ekıpajy Katarda ótip jatqan Sealine Cross Country Rally 2014 rallı-dodasynyń 1 kezeńin 11 orynda aıaqtady.
Qazaqstandyq komanda úshin bul nátıjege qol jetkizýdiń ózi úlken jeńiske balanyp otyr. Al, jarystyń alǵashqy kúnindegi jalpy esepte bizdiń shabandozdar 12 orynǵa taban tiredi. Komanda ókilderi márege eshbir aqaýsyz, din aman jetkenderine dán rıza.
«Doda biz úshin ońaı bolmady. Tehnıkalyq qıyndyqtar da kezdesti. Jolda kóptegen belgiler joıylyp ketkendikten, adasyp kete jazdadyq. Biraq, jalpy alǵandaǵy jetistigimizge kóńilim tolady. Qalǵany kelesi kezeńderde belgili bola jatady», - dedi ekıpaj júrgizýshisi Denıs Berezovskıı.
Otandyq komanda jarystyń uzaqtyǵy 400 km quraıtyn kelesi kezeńine daıyndyq ústinde.
