Astanalyqty pyshaqpen qorqytyp uıaly telefonyn alǵan kúdikti ustaldy

NUR-SULTAN. QazAqparat – Elordada 18 jastaǵy jigitti pyshaqpen qorqytyp uıaly telefonyn alyp qoıǵan kúdikti ustaldy, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

«18 jastaǵy elorda turǵyny Birjan sal kóshesinde belgisiz bireýdiń pyshaqpen qorqytyp uıaly telefonyn tartyp alǵanyn aıtyp shaǵymdandy. Shyǵyn kólemi 150 myń teńgeni quraıdy. Kúdikti jábir shegýshini aldyn ala baıqaǵan jáne aýlaǵa kelgende pyshaqpen qorqytyp uıaly telefonyn alyp qoıǵan. Jedel izdesterý sharasy nátıjesinde astanalyq krımınaldyq polıtsııa qyzmetkerleri kúdiktini Qaraǵandy qalasynda ustady. Ustalǵan 20 jastaǵy qaraǵandylyq kúdikti óz isin moıyndady», - delingen habarlamada.

Kúdikti ýaqytsha ızolıatorǵa qamalyp, tergeý amaldary júrip jatyr.