Astanalyqtarǵa qoǵamdyq kólikte medıtsınalyq qyzmet kórsetildi
ASTANA. QazAqparat - Elordada «Astana tańdaýy» baıqaýy aıasynda profılaktıkalyq aktsııa ótti. Tek naýqastardy qabyldaý medıtsınalyq mekemede emes, qoǵamdyq kólikte júrgizildi, dep jazady astana.gov.kz.
Shara barysynda 10-nan astam adam tekserýden ótti.
Ásel Salımbaeva, Astana qalasy №2 emhananyń dárigeri:
«Salaýatty marshrýt» aktsııasy barysynda qala turǵyndarynyń densaýlyǵyn tekserdik. Astanalyqtardyń amandyq-saýlyǵyn bilip, keńes berdik. Zııandy ádetterden aýlaq bolýdyń mańyzyn túsindirdik».
Al, Lıýbov Kladova salaýatty avtobýs jolaýshysy bolǵanyna rıza. Úı jaǵdaıynda densaýlyqty qalypty ustaýǵa tyrysqanmen, qart adamnyń densaýlyǵy úıden uzamaı-aq syr beredi deıdi ol. Al, aýasy tar avtobýsta jaǵdaıy kúrt tómendegen adamdarǵa alǵashqy kómek qajet-aq.
Lıýbov Kladova, Astana qalasynyń turǵyny:
«Kútpegen jaǵdaı boldy. Ádette kúnde tańerteń qysymymdy ólsheıtin edim, búgin ýaqyt tyǵyz boldy. Qartaıǵanda qan qysymy joǵary bolady eken. Al, myna aktsııadan izdegenimdi tapqandaı boldym. Qandaı keremet, densaýlyǵymdy tekserip, janym jaı tapty».
Esterińizge salamyz «Astana tańdaýy» baıqaýyna ótinim qabyldaý 31 mamyrda aıaqtalady. Búginge deıin 7 atalym boıynsha 250 jýyq ótinim kelip túsken. Daýys berý 1-20 maýsym aralyǵynda qala ákimdiginiń saıty arqyly júrgiziledi. Úzdikterdi birge anyqtaıyq.
