Astanalyqtarǵa kemirgishter men masany joıý úshin kelisimshart jasasý qajet
ASTANA. 5 aqpan. QazAqparat - Bıylǵy jyldyń aqpan aıynyń basynda kásiporyndar men kópqabatty úılerde kemirgishter men masaǵa, basqa da zııandy jándikterge qarsy zalalsyzdaný (dezınfektsııa), ýlaý is-sharalaryn ótkizý úshin kelisimshartqa otyrý máselesi talqylandy,
dep habarlaıdy Astana qalasy ákimdiginiń qala tirshiligin qamtamasyz etý jáne ınfraqurylymdy damytý bóliminen.
Elordanyń resmı saıtynyń jazýynsha, búgingi kúni Saryarqa, Esil jáne Almaty aýdandary boıynsha 1936 úıdiń 752-si zalasyzdandyrýǵa, 789-y deratızatsııaǵa kelisimshart jasasty.
QR DS Memlekettik sanıtarlyq-epıdemıologııalyq qadaǵalaý komıtetiniń qalalyq departamenti atap kórsetkenindeı, kemirgishter men masanyń kópqabatty turǵyn úılerde barlyǵy týraly turǵyndardan birde-bir shaǵym túse qoımaǵan. Degenmen, kóktem shyǵa jaǵdaı ózgerýi múmkin. Sondyqtan páter ıeleri men múddeli adamdar 2013 jyldyń birinshi naýryzyna deıin arnaıy mamandandyrylǵan mekemelermen kelisimshartqa otyrýlary qajet.
Aıtý kerek, búgingi kúni qalanyń úsh aýdanyndaǵy 67 úıdiń jertólesinde kemirgishterdi joıý jóninde is-sharalar ótkizildi. Bul jumys qazir odan ári jalǵasýda.
