Astanalyqtarǵa qaldyqtardy birneshe túrge bólip retteýdiń qajettigi joq- ákim
«Eýropanyń kóptegen elderi qaldyqtardy túrlerge bólip retteýden bas tartýda, sebebi ol óte tıimsiz. ıAǵnı qaldyqtyń tórt túri boıynsha jeke-jeke qaldyq konteınerlerine bólip tastaý qıyn jáne yńǵaısyz. Osyǵan baılanysty biz qazir qaldyqty eki topqa bólmekpiz. Qurǵaq qaldyqtar jáne ylǵaldy qaldyqtar. Qurǵaq qaldyqtardyń qataryna qaıta óńdeýge bolatyn - kıim-keshek, qaǵaz, metall, aǵash jáne plastık buıymdary jatady. Al ylǵaldy qaldyqtardyń qataryna taǵam ónimderi jatqyzýǵa jatady», - dedi Astana ákimi.
Qala basshysynyń sózinshe, osy kezde qala boıynsha qaldyq salatyn konteınerlerdi ornalastyrý josparlanyp otyr. Ol konteınerler jaǵymsyz ıisti boldyrmaıdy, sebebi qaldyq kólikteri kúnine bir ret emes úsh ret keletin bolady.
«Endigi maqsat qala turǵyndaryna túsindirý jumystaryn júrgizý. ıAǵnı sary tústi konteınerler qurǵaq qaldyqtarǵa, jasyl tústi konteınerler ylǵaldy qaldyqtarǵa arnalady. Mundaı sharanyń qalanyń taza bolýyna yqpal eteri sózsiz. Kelesi jyly qaldyqty jınaý men qaıta óńdeýde eýropalyq deńgeıdegideı júıe bolatynyn aıtqymyz keledi. Qaldyqtyń 75% qaıta óńdelýi bul jaqsy kórsetkish», - dedi Áset Isekeshev.
Onyń aıtýynsha, Astanada ınvestorlar «Astana EKSPO-2017» halyqaralyq kórmesinde kórsetilgen qaldyqtardy qaıta óńdeý zaýytyn salady. Zaýytta ylǵal qaldyqtan bıogaz ben tyńaıtqyshtar óndiriledi. Búginde Astanada qaǵaz jáne plastık qaldyqtaryn qaıta óńdeý tsehy jumys isteýde.
Sonymen qatar, qala ákimdigi qaldyqtardy belgilengen orynǵa tastamaǵandarǵa qatysty jaýapkershilikti kúsheıtý týraly zańǵa ózgerister engizýdi usyndy.
«Sebebi keıbir jaýapsyz kásipkerler qaldyqtardy tıisti jerge aparmaıdy. Adamdar túnde qala syrtyna shyǵady da tastaı salady», - dedi qala ákimi.
Esterińizge sala keteıik, Astanada qaldyqtardy bólip rettep tastaý pılotty jobasy 2015 jyly qolǵa alynǵan bolatyn. Ol úshin arnaıy konteınerler ornatylyp, kók - qaǵaz, sary- plastık, jasyl-aralas qaldyqtar bolyp bólingen bolatyn.
