Astanalyqtarǵa ǵana qyzmet kórsetetin jańa ortalyq paıda bolady
ASTANA. QazAqparat - Astana ákimdigi qalalyq sheshimder ortalyǵyn ashady. Bul týraly qala ákimi Áset Isekeshev aıtty, dep habarlaıdy QazAqparat.
«Sáýlet jáne jer qatynastary bólimindegi barlyq máseleler boıynsha bıýrokratııany azaıtý úshin qalalyq qyzmetter ortalyǵyn qurýdy usynǵan edińiz. Biz damyǵan elderdiń tájirıbesin qarastyrdyq. Osylaısha, qalalyq qyzmetter ortalyǵyn ashýdy uıǵardyq. Mundaı ortalyqtar sany ár aýdanda tórteýden kem bolmaýy tıis, tipti odan kóbirek ashý qajet dep esepteımin», - dedi Isekeshev «iKomek» qalalyq monıtorıng jáne jedel áreket etý ortalyǵynda ótken jınalysta QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa.
Onyń aıtýynsha, alǵashqy ortalyq bıyl «Astana Mall» saýda ortalyǵynda ashylady.
«Sáýlet pen jer máselelerinen bólek, onda kommýnaldyq qyzmet tólemine qatysty barlyq máseleler enedi. Turǵyndardyń kópshiligi jylý, jaryq jáne sý boıynsha qaıta esepteý máselesin kóterip júr. Astanaenergosbyt, Teplotranzıt, Astana sý arnasy, áleýmettik qoldaý qyzmetteri - ıaǵnı, 109 qyzmetine habarlasý jetkiliksiz bolyp júrgen turǵyndarǵa arnalady», - dep túsindirdi qala ákimi.
Ákim «Qalalyq HQO» ornyn tańdaýǵa da erekshe mán beriletinin jetkizdi.
«Mundaı ortalyqtardy avtoturaǵy úlken, qoǵamdyq kólikter jıi júretin orynda uıymdastyrǵymyz keledi. Bul rette saýda ortalyqtary - taptyrmas sheshim. ıAǵnı, toptasyp kezekte turmaı-aq, sháı iship, jer, sáýlet, kommýnaldyq qyzmetterdi tóleý, bilim berý máseleleri boıynsha konsýltatsııa alýǵa bolady. Bolashaqta bul qalalyq qyzmet kórsetetin keńeıtilgen HQO-ǵa aınalady», - dep óz sózin túıindedi Á. Isekeshev.
Eske sala ketsek, buǵan deıin Áset Isekeshev QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa «iKomek» qalalyq monıtorıng jáne jedel áreket etý ortalyǵy týraly baıandap bergen bolatyn.
