Astanalyqtarǵa eskertý: Esil ózeniniń ústimen júrý qaýipti
ASTANA. QazAqparat - Astananyń Esil aýdany ákimdigi sý qoımasynan sýdyń jiberile bastaǵanyn eskertip, ózen betindegi muzǵa shyqpaýǵa keńes beredi, dep habarlaıdy QazAqparat tilshisi.
Málim etilgendeı, Esil ózeniniń arnasyn shaıý jáne daıyndaý maqsatynda qazirgi ýaqytta Astana sý qoımasynan ózenniń qaladaǵy saǵasyna deıin sý jiberilýde. Onyń mólsheri birtindep arttyrylýda (qańtarda - sekýndyna 2,8 tekshe metr, aqpanda - sekýndyna 12 tekshe metr, naýryzda - sekýndyna 15,6 tekshe metr).
«Jiberilip jatqan sýdyń bir bóligi qulaqtar arqyly shyǵyp ketse, qalǵan bóligi Jibek joly kenti aýmaǵyndaǵy kontrrettegishke quıylyp, ózen alqabyn toltyrady. Ózen betindegi muz qabatynyń juqarýyna baılanysty, turǵyndarǵa muzdyń ústine shyǵýdyń qaýipti ekenin eskertemiz», - delingen habarlamada.
