Astanalyqtarǵa bıyl 2,4 mlrd. teńgege jýyq aıyppul salynǵan
ASTANA. QazAqparat - Іshki ister departamenti qyzmetkerleri 2016 jyldyń 8 aıynda 273 myńnan astam ákimshilik quqyq buzýshylyqty anyqtaǵan.
Bul týraly búgin Astana qalasy Іshki ister departamentinde ótken brıfıngte Ákimshilik polıtsııa basqarmasynyń bólim bastyǵy Nurjan Ádilov málim etti.
«ІІD qyzmetkerlerimen 2016 jylǵy 8 aıynda 273 318 ákimshilik quqyq buzýshylyq anyqtaldy. Onyń ishinde 264 748 ákimshilik ister boıynsha 2 mlrd. 3 mln. 623 myń 441 teńge kóleminde aıyppul túrinde shyǵaryldy. Onyń 803 mln. 767 myń 143 teńgesi óndirildi. Óndirý kólemi 40 paıyzdan asady», - dep atap ótti N.Ádilov.
Onyń aıtýynsha, buǵan jol erejelerin buzǵan júrgizýshiler ǵana emes, qoǵamdyq tártipti, qala tazalyǵyn buzǵan azamattar da kirip otyr.
«Ákimshilik aıyppuldardy óndirip alýdy arttyrý maqsatynda Astana qalasy ІІD-men belgilengen jumystar júrgizilýde. Qazirgi ýaqytta bes myńnan astam mekemege 16 myńnan astam aıyppul salynǵan 180 mln. teńge somasyndaǵy qaýly joldandy. Sot oryndaýshylaryna mindettelgen somany óndirý úshin 700 mln. teńgege jýyq 80 myń qaýly joldandy», - dedi ol.
