Astanalyqtarǵa bir aı boıy arzan et, kókónis satylady
ASTANA. QazAqparat - Elordada bir aı boıy «Altyn kúz» áleýmettik azyq-túlik jármeńkesi ótedi, dep habarlaıdy QazAqarat ákimdiktiń saıtyna silteme jasap.
«Alaı» bólshek-taratýshy ortalyǵynyń ǵımaratynda bir aı boıy turǵyndar ónimderdi tikeleı taýar óndirýshilerdiń ózinen satyp ala alady.
Pavlodar jáne Aqmola oblysynyń sharýa qojalyqtary jármeńkege et pen sút ónimderin, sondaı-aq jemis-jıdek, kókónis pen dándi-daqyl ónimderin usynady.
Jármeńkede qoı etiniń kelisi - 1 230 teńgeden, jylqy etiniń kelisi - 1 400 teńgeden satylady dep kútilýde. Áleýmettik jármeńkede kartoptyń bir kelisiniń quny 55 teńge bolady.
Qazirgi tańda Pavlodar oblysynan satý úshin 150 tonna kartop, Aqmola oblysynan 30 tonna sıyr eti, 7 tonna qoı eti jetkizildi.
Aqmolalyq óndirýshiler sıyr etiniń kelisin 1 300 teńgeden, qoı etiniń kelisin 1 250 teńgeden satpaq.
Budan basqa, jármeńke qonaqtary kondıterlik, makaron ónimderi men bal satyp ala alady.
Uıymdastyrýshylar, ónimder baǵasynyń naryqtaǵy baǵalardan 5-10 % tómen bolatynyn aıtady.
