Astanalyqtarǵa aıaldamada ystyq shaı berilip jatyr
«Astana Jastary» jastar resýrstyq ortalyǵynyń eriktileri aıazdy kúni osylaı jurtqa meıirimdilik kórsetip jatyr. Saqyldaǵan sary aıazda aıaldamada avtobýs kútip qalǵan elordalyqtar ystyq kofe men shaı iship boı jylytyp, qaıyrymdy jastarǵa alǵystaryn bildirýde. Aıaldamaǵa jetkennen keıin belsendiler jumysqa deıin jetkizip tastaıtyndaryn aıtyp, habar beredi.
«Biz búgin tańerteń saǵat jetiden toǵyzǵa deıin qalalyqtarǵa jumystaryna jetip alýǵa kómektestik. Keshki saǵat bes pen jetiler arasynda taǵy jolǵa shyǵýdy kózdep otyrmyz. Úsh avtokóligimiz ben bir «Gazelimiz» bar. Turǵyndar tegin aparyp tastaıtynymyzǵa tańdanyp jatsa da, keıin alǵystaryn jaýdyrady», - deıdi «Astana Jastary» ortalyǵynyń dırektory Muhamedjan Bolysbek.
Onyń aıtýynsha, belsendiler aýysym boıynsha 15 adamnan jumys istep júr.
«Eriktiler retinde kóbinese kolledj ben ýnıversıtetterdiń stýdentteri kómektesedi. Bizdiń ortalyqtyń belsendileri bar. Biz adamdarǵa kómekteskimiz keledi», - deıdi ol.
Aıta ketsek, atalǵan naýqan «Astana - jaqsylyq qalasy» jobasy aıasynda 26 qańtarǵa deıin sozylmaq.
Eske sala ketsek, aıazǵa baılanysty Astananyń meshitteri de muqtaj adamdarǵa arnap tegin taksı qyzmetin uıymdastyrdy.