Astanalyqtarǵa arnalǵan memlekettik nagrada taǵaıyndalmaq
NUR-SULTAN. QazAqparat – Elorda turǵyndary úshin memlekettik nagrada bekitý máselesi qaraldy, dep habarlaıdy QazAqparat tilshisi.
«Sizderdiń nazarlaryńyzǵa «Qurmet gramotasy» týraly erejeni usynamyn. «Qurmet gramotasy» nagradasy azamattardy yntalandyrýda mańyzdy. ıAǵnı adam eńbegin qoǵamdyq tanýdyń kórinisi. Bul qalalyq ákimdik taǵaıyndaıtyn memlekettik nagrada. Nur-Sultan qalasynyń qurmetti azamaty atty komıssııanyń sheńberinde jumys isteıdi. Atalǵan nagrada týraly erejede onyń kimge jáne qandaı jaǵdaıda berý kerektigi tolyq jazylǵan. ıAǵnı belgili bir azamatqa «Qurmet gramotasyn» berý máselesi arnaıy komıssııada qaralyp, qala ákiminiń kelisiminen soń sheshim shyǵady», - dedi Nur-Sultan qalasy ákimdigi apparatynyń quqyq bólimi basshysy Janasyl Sháýkentaev qalalyq qoǵamdyq keńes otyrysynda.
Óz kezeginde qalalyq qoǵamdyq keńes múshesi Muhtar Erketaev marapattalýshyǵa gramotamen birge tósbelgi taǵý ıdeıasyn usyndy.
«Qurmet gramotasymen birge tósbelgi tabys etýdi usynamyn. Sebebi gramota úıde nemese jumys ornynda turady, al tósbelgini adam kez-kelgen jerde taǵyp júre alady. Sol arqyly ol kisini elordanyń qurmetti azamaty ekenin kópshilik tanı túsedi», - deıdi ol.
