Astanalyqtardyń turmysy qalaı jaqsarady
ASTANA. QazAqparat - «Astanalyqtardyń turmysyn jaqsartý úshin, naqty qadamdar jasalady», - dep málimdedi Astana ákimi Áset Isekeshev «Qalanyń DNQ-sy: Qaýymdastyq. Bıznes. Bılik» atty ýrban-forýmda sóılegen sózinde. «Sapaly damyǵan qala» dep atalatyn paneldik sessııanyń barysynda qala basshysy elordany damytý boıynsha bıliktiń naqty josparlarymen bólisti.
Astana ornyqty damyǵan qalaǵa aınalýy úshin elorda bıligi jańa mehanızmderdi engizýge qulshyna kirisipti. Ótken jyly Memleket basshysynyń birqatar tapsyrmalaryn jáne búgingi tańdaǵy syn-qaterlerdi eskere otyryp, 2020 jylǵa deıingi Astanany damytý josparyna túzetýler engizilgen bolatyn.
«Negizgi mindet - elorda turǵyndarynyń turmysyn jaqsartý. Ol ómir súrý sapasyn arttyrý men halyqtyń tabysyn ósirý arqyly qalyptasady. Birinshi baǵyt boıynsha, biz Ekonomıkalyq Yntymaqtastyq Damý Uıymy (EYDU - orysshasy OESR-avt.) elderiniń standarttaryn negizge aldyq. Sonymen qatar, BUU-nyń ornyqty damý maqsattaryna súıenetin bolamyz. Atap aıtqanda, bul - qoljetimdi baspana, qaýipsiz qoǵamdyq kólik, qorshaǵan ortanyń tazalyǵy, jasyl aımaqtardyń bolýy jáne 20 naqty qadamda atap kórsetilgen basqa maqsattar»,- dep málimdedi Áset Isekeshev.
Ákimniń aıtýynsha, ekinshi baǵyt - qala halqynyń tabysyn ósirý. Ol bas qalanyń jańa ekonomıkalyq saıasaty arqyly túziledi. Bul baǵytty damytý maqsatynda basymdyq beriletin 10 sektor anyqtalǵan, sonyń kómegimen shaǵyn jáne orta bıznesti qarqyndy damytýǵa múmkindik týady. Aıtarlyǵy, iri megapolısterdegi sııaqty halyqqa qyzmet kórsetý sektoryna erekshe kóńil bólinedi.
Qala ákimi óz sózinde qoǵamdyq kólikke qatysty ahýaldyń mán-jaıyn tolyq biletinin, bul salada qandaı syn-qaterdiń baryn ashyq aıtyp berdi. Onyń sózine qaraǵanda, ákimdik negizgi máselelerdi jedel sheshýdiń joldaryn qarastyrýda. «Biz qala turǵyndarynyń turmysyn jaqsartý úshin, úzdiksiz is-áreketke kóshemiz. Mysaly, alýan túrli strategııa, tanystyrý, forýmdardy ótkizýden góri, sol jıyndarda aıtylǵan, jarııa bolǵan josparlardy tezirek júzege asyrýǵa umtylamyz. Sonda ǵana turǵyndar nátıjeni sezinip, damý baǵdarlamalaryna senimmen qaraıdy. Meniń oıymsha, baǵdarlamalardy uzaq daıyndap, talqylaýdyń qajeti joq. Biz bir jospardy tez iske asyratyn bolsaq, turǵyndar sonyń naqty nátıjesin kóredi»,-dep túsindirdi ákim.
Qoǵamdyq kólik máselelerine arnalǵan sessııada sóz sóılegen BUU-nyń «Almaty qalasynyń turaqty kóligi» atty damý baǵdarlamasy jobasynyń jetekshisi Elana Erzakovıch birqatar máselelerdi sheshýdiń joldaryn nusqady. «Qazir adamdar ýaqytty baǵalaıdy. ıAǵnı, qandaı kólikpen júrýdi emes, bir jerden ekinshi jerge jyldam jetýdi oılaıdy. Bizdiń bir qateligimiz bar. Qoǵamdyq kólikti damytamyz dep, tek avtobýstardy jańartýmen álektendik. Biraq halyq jańa, jaıly avtobýspen júrgendi ǵana qalamaıdy. Olar kóbinese avtobýstaǵy qyzmet kórsetý deńgeıine, avtobýs júrgizýshilerine shaǵymdanady. Sebebi, qoǵamdyq kólik qyzmettiń bir túrine aınaldy»,- dedi ol.
«Astana LRT» JShS-niń basqarma tóraǵasynyń orynbasary Rústem Halılevtiń pikirinshe, qoǵamdyq kólikti durys jolǵa qoıý júıesi halyqty jappaı avtokólikterge otyrý úderisin tejeıdi. «Negizgi mindet - qoǵamdyq kólikke degen halyqtyń suranysyn arttyrý. Óıtkeni, jeke avtokólikke qaraǵanda, bul - júıe. Aldaǵy ýaqytta Astanadaǵy qoǵamdyq kólikke bólingen arnaıy jolaqtardy 80 paıyzǵa deıin jetkizýge basymdyq berip otyrmyz. Sonda ǵana avtobýstar kólikterdiń tyǵynynda turmaıdy. Eger basymdyq bermesek, jurt qoǵamdyq kólikti tańdamaıdy ǵoı»,- degen oıyn jetkizdi Rústem Halılev.
