Astanalyqtardyń turǵyn úı turǵysyndaǵy máseleleri jyl saıyn artyp keledi - elordalyq prokýratýra
ASTANA. 25 qyrkúıek. QazAqparat - Astanalyqtardyń turǵyn úı turǵysyndaǵy máseleleri jyl saıyn artyp keledi.
Bul týraly búgin «Nur Otan» HDP-nyń elordalyq fılıalynda azamattardy qabyldaýdyń «ashyq esik» kúnderi sharasy barysynda Astana qalasy prokýrorynyń birinshi orynbasary Azamat Jylqybaev aıtty.
«Bizde prokýratýra organdaryna 8 aıdyń ishinde 11 myńnan astam ótinimder kelip tústi. Onyń ishinde 8 myńyn prokýratýranyń ózi qarastyrdy, al qalǵan 3 myńy basqa vedomstvolarǵa baǵyttaldy. Atalǵan ótinimderdiń jalpy kóleminiń negizi, ıaǵnı 49 paıyzy tergeý-jaýap alý jelisine qatysty»,-dedi ol. Ásirese, bul qylmystyq istegi áýreshilik boıynsha, istiń tergelýi barysyndaǵy jábirlenýshiler máselesi, sot sheshimimen kelispeý turǵysynda qamtylǵan.
«Sonymen qatar ekinshi bólim sot sheshiminiń oryndalmaýyna baılanysty. ıAǵnı, onyń ishinde negizgi kólemin alıment tóleý máselesi alyp otyr. Atap aıtqanda, alıment ol udaıy týyndap otyratyn másele. Sebebi ol oryndalǵanymen, keıinnen qaıta qordalana bastaıdy»,-dedi A. Jylqybaev.
Budan bólek, azamattar shaǵymdanatyn másele - ol elordadaǵy turǵyn úı turǵysynda. Onda jekeshelendirý, baspana kezegin qalpyna keltirý, sondaı-aq jer telimi boıynsha máseleler qamtylǵan.
Onyń sózine qaraǵanda, turǵyn úı máselesi ýaqyt ótken saıyn artyp keledi. Osy oraıda astanalyqtardyń problemalary negizi baspana aıasynda bolyp turǵanyn, onyń ishinde úleskerlerge qatysty ekenin aıtyp ótti. «Bul máseleler qazirgi kezde sheshimin taýyp jatqanymen, ótken jyldardaǵy álemdik qarjy daǵdarysyna baılanysty kezinde osy turǵyda problemalar bolǵan edi»,-dep túıindedi Astana qalasy prokýrorynyń birinshi orynbasary.
