Astanalyqtardyń ortasha ómir súrý uzaqtyǵy - 73,5 jyl
ASTANA. QazAqparat - Astana turǵyndarynyń ortasha ómir súrý jasynyń uzaqtyǵy 73,5 jylǵa jetti. Bul kórsetkish aldaǵy 3 jylda 74,5 jasqa deıin ósedi. Bul týraly búgin «Nur Otan» partııasy Astana qalalyq fılıalynda ótken otyrysta elordalyq jumyspen qamtý jáne áleýmettik baǵdarlamalar basqarmasynyń basshysy Alma Altybaeva málimdedi.
«Eger 15 jyl buryn astanalyqtardyń ortasha ómir súrý jasy 67 jyl bolsa, búgin bul kórsetkish 73,5 jasqa jetti. Al aldaǵy 3 jylda 74,5 jasqa deıin kóteriledi», - dedi A. Altybaeva.
Onyń aıtýynsha, astanalyqtardyń ómir jasynyń uzarýy elordadaǵy ekonomıkalyq jaǵdaılarǵa baılanysty turmystyń jaqsarǵanyn bildiredi. Astanada jyl saıyn bilim berý men densaýlyq saqtaý isi jetilip, halyqty baspanamen jáne jumys oryndarymen qamtý jaqsy jolǵa qoıylyp keledi.
«2014 jyldyń birinshi toqsanynda 5,3%-dy qurady. Al jastar arasyndaǵy jumyssyzdyq 2010 jyly 11,2% bolsa, qazirde bul kórsetkish 5 paıyzdan aspaıdy. Sonymen qatar, Astana boıynsha ortasha jalaqy 168 609 teńgeni qurady», - dedi A. Altybaeva.
