Astanalyqtardyń nazaryna 100 jyldyq tarıhy bar qoıylym usynylmaq
«Raýshan gúli men kóbelektiń romany» baleti HH ǵasyrdyń basynda (1904 jyly) Petrogradta jazylǵan. 100 jyldan astam tarıhy br. Qoıylymnyń avtory ıtalıandyq kompozıtor Rıkardo Drıgo, ol biraz ýaqyt Reseıde turǵan. Keıin kompozıtor otanyna oralǵan. Sol ýaqyttan beri balet esh jerde qoıylmaǵan. Erekshe toqtalyp ótetin jaıt, bul qoıylymnyń túpnusqasy Reseıdiń teatr arhıvinde jatyr. Ókinishke qaraı, ony eshkimge bermeı otyr. Biz óz kezegimizde bul qoıylymdy jańalap, óz nusqasymyzdy jazyp shyqtyq. Qoıylymnyń sıýjeti raýshan gúli men kóbelektiń arasynda órbıdi. Jáne spektakl balalar men jasóspirimderge arnalǵan», - dedi atalǵan týyndynyń túpnusqalyq partıtýrasyn qalpyna keltirgen kompozıtor Dáýlet Shákirov.
«Astana Balet» teatry atalǵan qoıylymǵa jarty jyldan asa ýaqyt daıyndalyp jatyr. Jáne búgin sońǵy daıyndyq sharasy ótti.
«Aldymen meni arnaıy shaqyrǵan teatr basshylyǵyna alǵysymdy bildiremin. Qoıylymnyń ártisteri negizinen balalar men jasóspirimder. Olarmen jumys isteý qyzyqty, bir jaǵynan ońaı emes. Qoıylymǵa 130-daı jas ártis qatysady. Jas erekshelikteri ártúrli jáne ár balanyń óz róli bar. Spektakl men onyń avtoryna kelsek, ıtalıan Rıkardo Drıgo biraz ýaqyt Reseıde turyp, keıin týǵan jerine oralǵan. Bizdiń qolymyzda qoıylymnyń tolyq nusqasy joq, úzindi ǵana bar, ony Italııadan aldyrdyq. Qoıylymnan bólek ony sahnalaý kıimine de erekshe mán berdik. Sahnalyq kıimderdiń barlyǵy arnaıy eskızben jasaldy», - deıdi reseılik qoıýshy-horeograf Vasılıı Medvedev.
«Raýshan gúli men kóbelektiń romany» Temps lié II halyqaralyq festıvali aıasynda sahnalanǵaly otyr. Qoıylymnyń premerasy 15 qarasha kúni «Astana Balet» teatrynda ótedi.
«Bizdiń akademııa áli jas, bar bolǵany 5 jyl ǵana boldy ashylǵanymyzǵa. Degenmen az ýaqyt ishinde repertýarymyzdyń qatary tolyǵyp jatyr. Bizdiń qorda otandyq jáne álemdik qoıylymdar bar. Osy oraıda ózimizdiń avtorlyq týyndynyń bolǵanyn qaladyq. Uzaq oılandyq, jańa bir qoıylym bolǵanyn qaladyq. Nátıjesinde balalarǵa arnalǵan «Raýshan gúli men kóbelektiń romanyn» jandandyrý ıdeıasyna toqtaldyq. Qoıylym kópshiliktiń kóńilinen shyǵady degen oıdamyz», - dedi horeografııa akademııasynyń rektory Altynaı Asylmuratova.
