Astanalyqtardyń qarasha aıyndaǵy eń tómen kúnkóris deńgeıi 19 myń teńge shamasynda boldy
ASTANA. 5 jeltoqsan. QazAqparat - Elordada eń tómen kúnkóristiń ortasha deńgeıi ótken aımen salystyrǵanda 10,7%-ǵa tómendedi.
Sonymen qatar ótken 2011 jyldyń qarasha aıymen salystyrǵanda 9,7%-ǵa ulǵaıyp otyr. Qazirgi kezde ol 19 170 teńgeni quraıdy., dep habarlaıdy elordanyń resmı saıty Astana qalasynyń Statıstıka departamentine silteme jasap.
«Eń tómengi kúnkóris deńgeıine et pen balyq (24,5%), sút ónimderi, maıy az ónimder men jumyrtqa (15,6%), jemis pen kókónis (10,4%), nan ónimderi men jarma ónimderi (7,6%), qant, shaı, dámdeýishter (1,9%) satyp alý shyǵyndary engizilgen», - delingen taratylǵan habarlamada.
