Astanalyqtardyń daýys berýimen eriktiler Sáken Seıfýllınniń eskertkishin tazartady
ALMATY. 11 shilde. QazAqparat - Astanada 15 shilde kúni «Biz taza qala úshin» jobasy aıasynda erekshe senbilik ótedi.
Bul joly senbilikke qatysýshylar atalmysh jobanyń saıtynda oqyrmandardyń daýys berýi arqyly iriktep alynǵan mádenıet nysanyn tazalaıdy. Buǵan deıin mundaı shara 7 shildede Almatyda, 8 shildede Qaraǵandy jáne Shymkent qalalarynda ótken bolatyn.
«Nysandardy «Biz taza qala úshin» jobasynyń saıtynda 2 aı boıy júrgizilgen daýys berýdiń nátıjesi boıynsha anyqtadyq. Almatyda «Álııa» men «Mánshúk» eskertkishine 12 732 adamnyń 4 231-si daýys berdi. Qaraǵandyda «Shahterler dańqy» eskertkishi 8916 daýystyń 2537-sin jınady. Al Shymkentte «Qabanbaı batyr» eskertkishi 8916 daýystyń 2246 daýysyn jınady», - deıdi ıÝnılever-Qazaqstan kompanııasynyń marketıng dırektory Ekaterına Dmıtrıeva.
Onyń aıtýynsha, senbilikke 70 adam qatysty. Onyń ishinde Almatyda - 30, Shymkent pen Qaraǵandyda 20 adamnan. Al Astanada daýys berýdiń nátıjesi boıynsha «Sáken Seıfýllın» eskertkishi tazartylatyn boldy. Ony qoldap 8280 adamnyń 3113-si daýys bergen. Oǵan kem degende 20 erikti qatysady dep josparlanýda.
