Astanalyqtardyń 60 mln. teńgeden astam qarajatyn qymqyrǵan alaıaq áıel sottaldy
ASTANA. QazAqparat - Astanada alaıaqtyqpen 60 mln. teńgededen astam qarajatty qaltasyna basqan áıel bas bostandyǵynan aıyryldy.
Astana qalasynyń ІІD-nen habarlaǵandaı, 1967 jyly týǵan Sh. esimdi azamatsha qala turǵyndaryn aldap, olardyń iri kólemdegi aqshasyn alyp alǵan: japa shekkenderdiń aldynda ol ózin birde rıeltor, al endi birde bank qyzmetkeri retinde tanystyryp, bank alyp qoıǵan nemese kepildiktegi páterlerdi naryqtaǵydan tómen baǵamen alyp berýge ýáde etken. Keltirilgen zalaldyń jalpy somasy 60 mln. teńgeden asty. Aıyptalýshy iri ján asa iri kólemdegi alaıaqtyǵy úshin eki ret isti bolǵan. Sh. esimdi azamatshanyń qylmystyq isinde alaıaqtyqqa qatysty 23 epızod bar. Qazirgi ýaqytta ol sotpen aıypty dep tanylyp, jalpy rejimdegi kolonııada 6 jyl 8 aı jazasyn óteýge kesildi.
