Astanalyqtardy jyly ári qurǵaq qarasha kútýde
ASTANA. 30 qazan. QazAqparat - Astana jáne Aqmola oblysynda qarasha aıynda aýa raıynyń ortasha temperatýrasy -3 -6 °S bolady dep kútilýde, bul normadan 1-2 gradýsqa joǵary,
dep habarlandy «Qazgıdromet» RMK-na silteme jasaǵan Astana ákimdiginiń saıtynda.
Sınoptıkterdiń málimetterinshe, bul aıda túsetin jaýyn-shashynnyń kólemi de normadan tómen bolady (norma: 18-30 mm). Keıbir jerlerde jaýyn-shashynnyń jıi túsýi ekinshi jáne úshinshi onkúndikte bolýy múmkin. Birinshi onkúndiktiń aıaǵyna qaraı jáne úshinshi onkúndikte tuman túsýi yqtımal, ekinshisiniń ortasynda jáne úshinshi onkúndikte kóktaıǵaq bolýy múmkin.
Aıdyń ortasynda eldiń batysynda burqasyn bolyp, jeldiń 15-20 m/s deıin jyldamdyqpen soǵýy kútilýde.
