Astanalyqtardy osy aptada qyzyqty da tartymdy oqıǵalar kútip tur

M.Gorkıı atyndaǵy memlekettik akademııalyq orys drama teatrynda qatarynan birneshe premera ótedi. 31 qazan - A. Anatolevtiń «Qar hanshaıymy» ertegisi, 1 qarasha - P. Morozovtyń «Assol» romantıkalyq feerııasy. 2 qarasha kúni M. Býlgakovtyń «Master jáne Margarıta» qoıylymyn  tamashalaýǵa bolady. Sondaı-aq 3 qarashada - B. Jandarbekovtiń «Tomırıs - saqtar hanshaıymy» epıkalyq dramasy, 4 qarashada - L. Tolstoıdyń «Anna Karenına» dramasy men A. Haıttyń «Leopold mysyqtyń týǵan kúni» atty ertegisi, 5 qarasha - V. Zımınniń «Baıaǵyda eki túlki ómir súripti» ertegisi men A. Tsagarelıdiń «Haným» mýzykalyq komedııasy bolady.

«Astana» kontsert zalynda 31 qazan kúni keshkisin «Áserli án sal, dombyra» kontserti ótedi. 1 qarashada «Aıtys - babalar murasy» kontserti, 3 qarasha - «Shabyt» HH Halyqaralyq shyǵarmashyl jastar festıvaliniń ashylýy, 5 qarashada QazSSR Memlekettik syılyqtyń ıegeri, SSSR jáne Qazaqstan halyq ártisi, kompozıtor Ǵazız Jubanovtyń 90 jyldyǵyna arnalǵan kontsert bolady.

«Jastar» saraıynda da qala turǵyndary men qonaqtary birneshe oqıǵalarǵa kýá bola alady. 1 qarashada «GLORIA» halyqaralyq óneri konkýrs-festıvali, 2 qarashada «QazaQBalasy» halyqaralyq balalar konkýrsy, 3 qarashada «Mır vkýsnogo meda» bal kórmesi bastalyp, 12 qarashaǵa deıin jalǵasady.

4 qarasha - «Jaıdarman» oıyndarynyń qalalyq lıgasynyń fınaly, 5 qarasha - «Ekzersıs» horeografııalyq óneriniń VI halyqaralyq festıval-konkýrsy.

Q.Qýanyshbaev atyndaǵy memlekettik akademııalyq qazaq mýzyka-drama teatrynda 1 qarasha kúni A. Valehonyń «Kún sáýlesi túspegen» psıhologııalyq dramasy, 2 qarasha - A. Aılarovtyń «Súringen súr boıdaq» komedııasy, 3 qarasha M. Baıdjıevtiń «Til tabysqandar» komedııasyn usynady.

Táýelsizdik saraıynda 4-8 qarasha aralyǵynda dekoratıvti qoldanbaly óneri men skýlptýra ónerin súıetinder kórmeni baryp tamashalaý alady.

Al «Astana Opera» teatrynda 5 qarasha kúni «Petıa men qasqyr» kontserti ótedi.