Astanalyqtardy ınternet alaıaqtary san soqtyrdy
ASTANA. QazAqparat - Astana qalasy Іshki ister departamenti elorda turǵyndary men qonaqtaryna ınternet arqyly alaıaqtyq jasaıtyndardyń paıda bolǵanyn eskertedi.
Qalanyń ІІD baspasóz qyzmeti tergeýshiler iri aqshalaı qarajatynan aıyrylǵan birneshe jábirlenýshilerdiń shaǵymy boıynsha tergeý júrgizip jatqandyǵyn habarlady.
«Barlyq jaǵdaı jeńil qylmystyq shemamen júzege asqan. Jábirlenýshiler ınternet arqyly barynsha tómen baǵada jyljymaıtyn múlik nemese taýar tapqan, bul rette múliktiń nemese taýardyń baryn jáne memlekettik organdarda tirkelgenin kýálandyratyn qajetti qujattaryn teksermeı, sheteldegi «satýshylarmen» baılanysqan. Bizdiń azamattar páterdiń nemese taýardyń bar ekenine, sondaı-aq shetelde «satýshylardyń» jumys isteıtinine senip, tólem qabilettiligine kepil retinde «Money Gram» nemese «Western Union» júıesi arqyly aqsha aýdarǵan, onyń basym bóligi iri somadan turady. Bul rette aqsha aýdarymy jábirlenýshilerdiń atynan ne biregeı kodyn kórsete otyryp olardyń týysqandarynyń atyna ótken. Sodan keıin alaıaqtar jábirlenýshilerden biregeı kody joq bank qujatynyń kóshirmesin skanerlep, olardyń mekenjaıyna elektrondyq poshta arqyly jiberýdi ótingen. Qysqa ýaqyt ishinde kórsetilgen qarajatty belgisiz bireýler atalmysh shottan sheship alǵan» - dedi Astana q. ІІD tergeý bóliminiń bastyǵy polıtsııa maıory Almat Aqytaev.
Keıin jábirlenýshiler Shotlandııa, Portýgalııa, Frantsııa sııaqty keıbir eýropa elderinde «Money Gram» nemese «Western Union» júıesi arqyly aýdarylǵan aqshany alý úshin biregeı kod talap etilmeıtinin anyqtaǵan. Alaıaqtardyń jábirlenýshilermen baılanysyp júrgen ІR mekenjaıyn tekserý bul mekenjaılar joǵaryda kórsetilgen elderge tıesili ekenin kórsetti.
