Astanalyqtardy halyqaralyq fýtbol týrnırine qatysýǵa shaqyrýda
ASTANA. QazAqparat - Bıyl Neımar birinshi ret qazaqstandyqtardy «Neymar Jr's Five!» biregeı halyqaralyq fýtbol týrnırine qatysýǵa shaqyrýda, dep habarlaıdy QazAqparat elorda ákimdiginiń resmı saıtyna silteme jasap.
Qazaqstan tuńǵysh ret 5h5 formatyndaǵy ǵalamat halyqaralyq fýtbol týrnırine qatysqaly jatyr. Ulttyq irikteý týrnıri úsh qalada ótedi: Astana, Almaty jáne Aqtóbe. Týrnırge áýesqoı retinde de, kásipqoı retinde de 16 jastan 25 jasqa deıingi jastar qatysa alady (komandaǵa sonymen qatar 25 jastan 28 jasqa deıingi eki oıynshy da jiberiledi).
Fýtbol - Qazaqstandaǵy eń tanymal sporttyń túri, al Neymar Jr's Five týrnıri - bul jas oıynshylardy biriktirý ári qazaqstandyqtardyń oıyn tájirıbesin jańa deńgeıge kóterýge sebep bolmaq. Sondaı-aq, elimizdiń barlyq túkpirindegi fýtbolshylar ózderiniń qolynan ne keletinderin kórsete alady.
Neymar Jr's Five - Brazılııa quramasynyń kapıtany Neımar jasap shyǵarǵan dınamıkalyq formattaǵy biregeı halyqaralyq fýtbol týrnıri. Erekshe format - týrnırdi jyldam ári fýtbol álemin tehnıkalyq jaǵynan baıyta túsedi. Álemniń 60-tan astam eliniń 160 myńdaı oıynshysy osy on mınýttyq matchta saıysqa túsip jatady. Ár joly bir komanda jeńip jatsa, qarsylas jaq oıynshysynan aırylyp jatady. Osylaısha sońǵy fýtbolıst qalmaıynsha oıyn 10 mınýtqa deıin jalǵasa beredi. Komandada nebárá 5 negizgi oıynshy, 2 artyq oıynshy bolady.
«Bul týrnır meniń balalyq shaǵymdy eske túsiredi, ony maqtanysh etemin. Mını-fýtbolda barlyǵyn jeńip shyǵý úshin qaı kezde shabýyl jasap, qorǵaný kerek, sol urymtal sátti túsine biletin strategııa kerek. Jaqsy qorǵanys ta komandanyń týrnırde uzaqqa barýyna kómektesedi», - dep túsindirdi kishi Neımar.
Ulttyq fınal Astanada 30 sáýir kúni ótedi, onda Qazaqstannyń eń úzdik degen 16 komandasy 29 maýsym kúni Brazılııadaǵy Praıa Grandede ótetin álemdik Neymar Jr's Five fınalyna joldama alý úshin jarysqa túsedi.
Qatysýshy komandalar aldyn ala myna saıtqa tirkelýi qajet.
